بين عشق الوطن والعروبة والهمجية والتعصب

السلام عليكم اولاً
ــــــــــــــــــــــــــــــــــــــــــــــــ

انا محمد اوسة عضو اخ لكل عربى وانسان عادى مش عارف كلمتى دى مين هيسمعها ومين هيهتم بيها انا مش عايز اطول عليكم انا هتكلم فى 4 نقاط مهمه وهى الشغل الشاغل لكل المصريين بل ولكل الوطن العربى ومش هبالغ لو قولت للعالم كلة حالياً

اولاً :-
عشق الوطن :
كل انسان محب لبلده اين كان هى بلد عربى او اجنبى او حتى كيان صهيونى فهل لحب الوطن تعليق او سخرية
ارجو الرد على هذه النقطة
الاخوة الجزائريين وبعض العربيين يسخرون من مصر ومن فوزهم المستحق على الجزائريين والمضحك انهم يصفون فوزنا بالفوز الصهيونى والله هذه الجملة اضحكتنى كثيرا بعض الجزائريين المتعصبين يقولون علينا اعراب يهود هل يوجد اعراب يهود واعراب فرنسيين وايطاليين انا عايز اتكلم بالبلدى يا جماعة من امتى واحنا بنعاير اشقاء بالبلد اللى احتلتهم انا عمرى ما شوفت شخص مصرى بيعاير اى عربى بأحتلالهم على كدا احنا نقول للجزائريين انتم عرب فرنساويين يمكن ساعتها لو قولنا هما عرب فرنساويين هيكون عندنا عزر وقتها احنا ما اتكلمناش عبرى نسبة لأحتلالنا الجزائريين كلهم دلوقتى بيتكلمو فرنساوى انا مش عايز اتكلم كلام زى دا لأن الكلام دا اللى يقول يبقى معندوش اى انتماء عربى ولا وقتها نقول عليه عربى بس الاخوة الجزائريين قالو كدا عليا لية مش عارف هو احنا المصريين لازم نتغلب علشان نبقى عرب ما نشجعش مصر علشان نبقى عرب ارجو الرد والتعليق .

ثانياً :-
العروبة :
العروبة دى مش محتاجة تعليق لأنى تقريبا اتكلمت عنها فى النقطة الاولى ومش محتاج انى اعرفكم معنى كلمة عروبة
يا جماعه احنا كمصريين بنحكى ونتحاكى مع بعض عن وقفة السعودية معنا فى حرب 73 ووقفة الامارات وباقى الدول واحنا لما وقفنا مع الكويت دى مش عروبة احنا كمصريين فى كاس العالم للناشئيين حزنا لخروج المنتخب الاماراتى اكثر من حزننا على خروج منتخبنا الوطنى المصرى يا جماعة انا هفكركم بموقف حدث فى عام 2001 احنا فوزنا على الجزائر فى مصر 5/2 وكان المنافس لنا فى هذا الوقت السنغال وكانت الجزائر وقتها خارج الحسابات تمام فى مباراة العودة كنا بنلاعب المجموعة كلها مش الجزائر بس اية الكره دا يا جماعة والله وقتها احنا اضربنا واتسممنا بالاكل وما صعدناش بالرغم من الجزائر خارج الحسابات تمام ولما خلصت التصفيات ما جبناش سيرة الجزائر اطلاقا ولما يتحدث احد كل واحد حر كل واحد عايز يكسب دا حق مشروع لكن لما مصر والجماهير تتمنى المكسب يبقى حرام .

ثالثاً :-

الهمجية والتعصب :
انا هتكلم فى الامرين دول فى نقطة واحده الا وهى قلة من الجماهير الجزائرية المتعصبة اللى خلقت البلبة والتعصب بين الاوساط الكروية بل وفى الشرق الاوسط كلة والله عيب علينا يا جماعة احنا عرب العالم كلة دلوقتى بيقول ان العرب بياكلوا بعض اليهود دلوقتى بيتمنى تصعيد الامر من كرة قدم الا سياسة عظمى ودا ممكن يحصل
كان عمل اية العمال المصريين والمواطنين المصريين اللى فى الجزائر بقصد العمل والتعمير فى ارض الاخوة الجزائريين علشان تحتلوهم وترعبوهم وتلقو عليهم بالحجارة فى بيوتهم وبالشماريخ النارية اية ذنبهم كل دا علشان بلدهم فازت عليكم والله لو الجزائر هى اللى صعدت كلنا هنصقف ونقول مليون مبروك للاشقاء الجزائريين واحنا المصريين اول ما هيقف وراهم لكنى اتمنى طبعا صعود منتخبنا انشاء الله لأنه الاقدر
البعصة الجزائرية جاءت الى مصر بلدها التانى امانة مطمئنة لكن يوجد قلة هى من تريد بلبلة المشاكل بين العرب مرة يقولوا احنا رمينا الطوب على الاتوبيس بتاع البعثة والحمد لله المعمل الجنائى اثبت ان الكسر من داخل الاتوبيس طب انتم جايين وعارفين انكم فى بلد الامن والامان وانتوا حاطين بطيخة صيفى ان لا حد هيمسكم زى ما انتم عملتم ولا حد هيجى جمب الفندق ويزعق ويهلل وما يخليكمش تنامو الليل زى ما انتم عملتم ولا هنثير فيكم الرعب الا فى استاد القاهره والحمد لله هذا حصل وفوزنا وهما اللى عملو المشاكل فى الاستاد بس احنا جماهير واعية الحمد لله والباقية تأتى فى السودان بأذن الله بلدنا الشقيق
وفى النهاية عايز اقول عيب لكل الجرائد القومية الجزائرية على الاهانات اللى اهانو بيها مصر بلدهم وبلدنا يعنى معقول اننا احنا المصريين هنقتل وننتهك حرم الشعب الجزائرى والله عيب الكلام دا واطالب الحكومة الجزائرية بإرغام هذه المجلات بالاعتذار الرسمى لجمهورية مصر .

وفى النهاية اتمنى الخير للبلدين والعبد عن التعصب وامنى النصر لمصر بأذن الله وادعو معى النصر لأبناء مصر

ياااااااااااااااااااااااااااااااارب

زائر

مستر اوسه احييك علي هذه الكلمات الرائعه وانحني امام كلماتك الجميله ...

دمت بحفظ الرحمن ....

تقبل مروري...

اوسه يا جامد

اقولك على حاجه مهمه اوى ليك ولكل اللى فى المنتدى

وبالتحديد لاخوانا واخواتنا اللى فى المنتدى

يا جماعه هو دا اوسه

اوسه المتألق دائما

وبجد يا اوسه العنوان نفسه جامد اخر حاجه

لك منى كل الاحترام والتقدير

Bek0o0o0o0o