انهارده الجمعه !!! وايه يعنى ؟

علي فكرة النهارده الجمعة

• أيوة يعني تقصد إيه ؟

◄- إنت تعرف يعني إيه جمعة ؟وكان إسمه ايه قبل ما يكون الجمعة ؟ وليه اتسمي الجمعة ؟

• لا معرفش تصدق .. قول قول ؟

◄- طيب طيب .. بص معني الجمعة هو التجمع .. يعني تجمع الناس
وكان إسمه قبل ما يكون الجمعة في الجاهلية .. العروبة ، ومعني العروبة : الرحمة
وإتسمي ليه جمعه .. قالوا لكذا سبب زي لأن كمال الخلق جمع فيه و اتقال لأن خلق آدم و جمع فيه وكمان قيل : لأن كعب بن لؤي كان يجمع قومه فيه ، و يذكرهم و يأمرهم بتعظيم الحرم .. و قيل كمان : لاجتماع الناس فيه للصلاة.ـ

◄ وتعرف رسولنا الكريم قال علي يوم الجمعة إيه ؟

• لا قول قال إيه صلي الله عليه وسلم عنه ؟

◄ قال رسولنا العظيم عنه " سيد الأيام يوم الجمعة ، و أعظمها عند الله ، و أعظم عند الله من يوم الفطر و يوم الأضحى ، و فيه خمس خصال : خلق فيه آدم ، و أهبط الله فيه آدم إلي الأرض ، و فيه توفي الله عز و جل آدم ، و فيه ساعة لا يسأل الله العبد فيها شيئاً إلا آتاه الله إياه ما لم يسأل حراماً ، و فيه تقوم الساعة ، ما من ملك مقرب و لا أرض و رياح و لا بًحْر و لا جبال و لا شجر ، إلا وهن يشفق من يوم الجمعة"

• صلي الله عليه وسلم .. يااااه بجد كل ده ، أنا أول مرة أعرف
طيب إمتي الساعه اللي العبد يسأل فيها ربنا ويديه اللي عايزه لو مكنش حرام؟

◄ دي كمان بلغنا عنها رسولنا الكريم في الحديث الشريف وقال صلي الله عليه وسلم " التمسوا الساعه التي ترجي في يوم الجمعة بعد صلاة العصر إلي غيبوبة الشمس"

• يعني إيه غيبوية الشمس ؟

◄ يعني لحد المغرب

• طيب وإيه كمان في يوم الجمعة أقدر أعرفه ؟

◄ هقولك كما حديث " عن أبي هريرة و حذيفة رضى الله عنهما قالا : قال رسول الله صلى الله عليه و سلم " أضل الله عن يوم الجمعة من كان قبلنا ، فكان لليهود يوم السبت ، و كان للنصارى يوم الأحد ، فجاء بنا فهدانا الله ليوم الجمعة ، فجعل الجمعة و السبت و الأحد ، و كذلك هم تبع لنا يوم القيامة، و إعرف كمان إن في فجر كل يوم جمعه من السنة قراءة سورتين معينتين وهما " سورة السجدة ، سورة الإنسان "

• وإيه كمان ؟

◄ هو كمان اليوم الذي يجمع فيه أهل الجنة في وادٍ أفيح ، و يُنصب لهم منابرُ من لؤلؤ ، و منابر من ذهب ، و منابر من زبرجد ، و ياقوت علي كثبان المسك ،
فينظرون إلي ربهم تبارك و تعالى و يتجلى لهم ، فيرونه عياناً ، و يكون أسرعهم موافاة أعجلهم رواحاً إلي المسجد و أقربهم منه أقربهم من الإمام و في حديث أنس الطويل : " … فليس هم في الجنة بأشوق منهم إلي يوم الجمعة ، ليزدادوا نظراً إلي ربهم – عز و جل – و كرامته ، و لذلك دعي يوم المزيد " ـ

• طيب فيه حاجات معينة أعملها يوم الجمعة ؟

◄ أيوة طبعاً فيه حاجات مش حاجه واحده

• طيب أيه هما ؟

◄ رسولنا الكريم قالنا " من غسل يوم الجمعة وإغتسل ، وبكر وأبتكر ، ومشي ولم يركب ، ودني إلي الإمام وسمع ولم يلغ .. كان له بكل خطوة عمل سنة أجر صيامها وقيامها "ـ

• الله .. طب وإيه كمان ؟

◄ فيه كمان قراءة سورة الكهف لأن اللي يقرأها يحصله زي ما رسولنا قال " من قرأ سورة الكهف في يوم الجمعة سطع له نور من تحت قدمه إلى عنان السماء يضيء له يوم القيامة ، وغفر له ما بين الجمعتين "

• الله أكبر .. وإيه كمان ؟

◄ فيه كمان الصلاة علي النبي صلي الله عليه وسلم .. قال رسول الله صلي الله عليه وسلم "من أفضل أيامكم يوم الجمعة : فيه خلق آدم ، و فيه قبض ، و فيه النفخة ، و فيه الصعقة ، فأكثروا عليَّ من الصلاة فيه ، فإن صلاتكم معروضة عليَّ " قالوا : يا رسول الله، و كيف تعرض عليك صلاتنا و قد أرِمْتَ (أي بليت)؟ فقال :" إن الله عز و جل حَّرم علي الأرض أن تأكل أجساد الأنبياء " ـ

الاحاديث جميعها صحيحة إن شاء الله
الموضوع من أجتهادنا الشخصي وليس منقول .. وحقوقه مملوكة لكل مسلم
الحمد لله رب العالمين .. وصلٍ اللهم وسلم علي سيدنا محمد خير خلقك وأشرفهم وعلي آل بيته أجمعين

أرجو النشر .. جزاكم الله خير

زائر

جزاك الله كل خير يا مشمشه

مجهود رائع جدا

امير

بجد مواضيعك رائعة يا مشمش
بجد جزاكى الله خيرا

مشمشة

انهارده الجمعه !!! وايه يعنى ؟ 1876733120546318912

انهارده الجمعه !!! وايه يعنى ؟ 1148293421_350431761

مشمشه

جزاكى الله خيراً على هذا المجهود العظيم الذى اثمر
عن موضوع شيق وجميل
لكى احترامى وتقديرى

Bek0o0o0o0o

جزاكم الله خيرا ً بما أخترتم وقدمتم فأحسنتم
جعله الله فى ميزان حسناتكم

جزاكى الله كل خير يا مشمشه
وجعله فى ميزان حسناتك

» نكت هتضحكوا يعنى هتضحكوا